Dädsch mid mia essa ganga?   von HubertOswell
                  (BBCs Sherlock trifft X-Men: First Class.)
================================================================================
                                  Kapitel 1: 
                                  -----------


Dr Scherlock öffned sei Diere on em Samstich obend. Dr hätt koin Bsuch
drwarted, drom ischer a bisserl überraschd dosser den Scharls do sea dud.
“Wos duschd’n du do?” frogta. “Häsch di mit deirem Mah gschritta?”
“Noi,” antworded dr Scharles. “Dr Erik isch no schaffa. Seire Hex vo Schef
willa Projekt ferddich haba bis zum Mondich ond do mussdr no ebbes dra schaffa.
Drom benne au nieber komma, mir hädded ässa ganga wella, aba no ischer joa no
em Gschäft. I welt froga ob de mid mia ganga dädsch. Sonscht moss I denne no
absoga.”
“Wardsch gschwend, I muass mei jacka hola,” sacht dr Scherlock. “Dr
Dschonn isch mit seire neure Freindin im Keno. Mir kennded ons also Zeid
lassa.”
Dr Scherlock gaht zrick in seire Wohning ond hold seire Jacka, bvor se donn ins
Reschdrah gangad. “Do saggamol,” fäng dr Scharles ah, währed se dr
Schdross nunder laufad. “Isch dr Dschonn eiglich ned schwul? I hob emmer
denkt, dr sei dei Freind.”
“Noi, dr Dschonn hätt scho imma Fraua ghätt,” sachdr Scherlock. “Mir
senna nua Freind, mir hend no eddamol kist.”
“Abba du mogsch en,” moindr Scharles.
“Ha joa,” seifzt dr Scherlock. “Abba wenner jo edda schwul isch. Wos sell
I do au macha?”
Dr Scharles nickt. “Joa, wos sellsch do au macha? I benn no froh doss dr Erik
mi mog. Felleicht fendschd au no emmol ebbers den de mogschd ond dr de au
mog.”
Dr Scherlock legd seire Had uff em Scharls seire Scholdr. “Dankschee,”
sachder. “I benn scho froh di zem Freind z’hoba.”
“Awa,” sachdr Scharles. Seire Backa send rod. “I benn do gnauso froh di
z’haba.”

Hosted by Animexx e.V. (http://www.animexx.de)